ƏMƏK VİZASI
Əmək vizası Azərbaycan Respublikasında haqqı ödənilən əmək fəaliyyəti ilə məşğul olmaq niyyətində olan və bunun üçün Azərbaycan Respublikasının dövlət orqanlarının, Azərbaycan Respublikasında fəaliyyət göstərən hüquqi şəxslərin və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxslərin, habelə xarici hüquqi şəxslərin filial və nümayəndəliklərinin işəgötürən tərəf qismində vəsatəti əsasında gələn əcnəbilərə və vətəndaşlığı olmayan şəxslərə verilir.
Tələb olunan sənədlər:
- Ərizə-anket https://visaapplication.mfa.gov.az/
2.Pasport (əsli və surəti)
- Pasportun etibarlılıq müddəti müraciət olunan vizanın müddətinin bitməsi tarixindən azı 3 ay artıq olmalıdır
- Pakistan vətəndaşı olmayan şəxslərin həmçinin bu ölkədə daimi yaşayışhüququnu təsdiq edən sənədi təqdim etməsi vacibdir.
3.İki ədəd 3x4 ölçülü fotoşəkil.
- Ağ fonda olmalı, son altı ay ərzində çəkilməli və şəxsin hazırkı vəziyyətini əks etdirməlidir
4.Dəvət edən tərəfin vəsatəti
- Azərbaycana əcnəbini və ya vətəndaşlığı olmayan şəxsi dəvət edən tərəfin vəsatəti Azərbaycan Respublikası Xarici İşlər Nazirliyinin Konsulluq idarəsi vasitəsilə göndərilməlidir. Vəsatət Konsulluq idarəsi tərəfindən müvafiq qaydada təsdiq olunmalıdır.
- Əlavə məlumat üçün dəvət edən tərəf Konsulluq idarəsi ilə əlaqə saxlaya bilər. Ünvan: Şıxəli Qurbanov küç. 50, Bakı AZ1009. Əlaqə nömrəsi: +994507600663.
5.Dövlət rüsumunun ödənilməsi barədə sənəd
- Pakistan vətəndaşları üçün 20 ABŞ dolları.
DİQQƏT!
- Yalnız sənədləri tam olan müraciətlər prosesə qəbul edilir. Səfirlik yuxarıdakı siyahıda qeyd olunmayan əlavə sənəd / məlumat istəmə hüququnu özündə saxlayır.
- Azərbaycan Respublikasında 15 gündən artıq müvəqqəti olan əcnəbilər və ya vətəndaşlığı olmayan şəxslər olduğu yer üzrə qeydiyyata alınmalıdırlar. Əlavə məlumat üçün: https://www.migration.gov.az/az/oyq
